પુલવામા હુમલામાં પિતાને ગુમાવ્યા, વીરેન્દ્ર સેહવાગે ઉઠાવી જવાબદારી, હવે મેળવશે ક્રિકેટમાં મોટી સિદ્ધિ, જાણો ખેલાડીની ભાવુક સ્ટોરી

હરિયાણાએ અંડર-16 વિજય મર્ચન્ટ ટુર્નામેન્ટ માટે તેની ટીમની જાહેરાત કરી. આ ટીમમાં રાહુલ સોરંગનું નામ પણ સામેલ છે. રાહુલ માટે આ એક મોટી ઉપલબ્ધિ છે અને તેને તેની કારકિર્દીની શરૂઆત માનવામાં આવી રહી છે. રાહુલ સોરંગે નાની ઉંમરમાં પિતા ગુમાવ્યા હતા પરંતુ આજે તે ક્રિકેટમાં કારકિર્દી બનાવવાનો પ્રયાસ કરી રહ્યો છે. સોરંગની સફળતામાં ભારતીય ક્રિકેટર વિરેન્દ્ર સેહવાગની મહત્વની ભૂમિકા છે.

રાહુલના પિતા પુલવામા હુમલામાં શહીદ થયા હતા

રાહુલના પિતા વિજય સોરંગ સીઆરપીએફમાં હતા. તેઓ 2019માં પુલવામા હુમલામાં શહીદ થયા હતા. આ હુમલા બાદ વીરેન્દ્ર સેહવાગે ટ્વિટ કરીને જાહેરાત કરી હતી કે તે તમામ શહીદોના બાળકોના ભણતરનો સંપૂર્ણ ખર્ચ ઉઠાવશે. આ બાળકો પોતાની શાળામાં અભ્યાસ કરશે અને રહેશે. એ બાળકોમાં રાહુલ પણ સામેલ હતો. વર્ષ 2019માં તે સેહવાગ ઈન્ટરનેશનલ સ્કૂલમાં આવ્યો હતો અને ત્યારથી તે આ જ સ્કૂલમાં રહે છે.

રાહુલ વીરેન્દ્ર સેહવાગની સ્કૂલમાં અભ્યાસ કરે છે

સેહવાગે અભ્યાસની સાથે સાથે ક્રિકેટ કોચિંગનો ખર્ચ પણ ઉઠાવ્યો હતો. રાહુલ સોરંગને હવે હરિયાણાની અંડર-16 ટીમમાં પસંદ કરવામાં આવ્યો છે. ટ્વિટર પર તસવીર શેર કરતી વખતે સેહવાગે લખ્યું, ‘હું ખૂબ જ ખુશ છું કે પુલવામાના હીરો શહીદ વિજય સોરંગના પુત્ર રાહુલ સોરંગે 2019માં સેહવાગ ઈન્ટરનેશનલ સ્કૂલમાં પ્રવેશ મેળવ્યો હતો. તે છેલ્લા ચાર વર્ષથી અમારી સાથે છે અને હવે તેની પસંદગી હરિયાણાની અંડર-16 ટીમમાં થઈ છે. આનાથી મને ખૂબ આનંદ થયો. આપણા મહાન સૈનિકોનો આભાર.

Remember the Name- Rahul Soreng. This is one of the happiest feelings in life. After the tragic Pulwama attack, had made an appeal to offer free education to children of our martyr’s study and stay in my @sehwagschool . I feel so privileged that Rahul Soreng , son of Pulwama… https://t.co/gKvrcyy767 pic.twitter.com/L0Qlc1hh3j

— Virender Sehwag (@virendersehwag) December 18, 2024

જમ્મુ અને કાશ્મીરના શ્રીનગરના પુલવામામાં 14 ફેબ્રુઆરી 2019ના રોજ ભારતીય સૈનિકો પર હુમલો કરવામાં આવ્યો હતો. જૈશ-એ-મોહમ્મદના આતંકવાદી આદિલ અહમદ ડારે 350 કિલો વિસ્ફોટકોથી ભરેલી એસયુવીને બસ સાથે ટક્કર મારી હતી. આ હુમલામાં સેન્ટ્રલ રિઝર્વ પોલીસ ફોર્સ (CRPF)ના 40 જવાનો શહીદ થયા હતા. વિસ્ફોટ એટલો જોરદાર હતો કે બસના ટુકડા પણ થઈ ગયા. આ વિસ્ફોટનો અવાજ 10 કિલોમીટરની ત્રિજ્યા સુધી સંભળાયો હતો.