વિશ્વનું સૌથી મોંઘુ પાણી, એક બોટલની કિંમતમાં આવી જાય મર્સિડીઝ કાર, જાણો શું છે કારણ
જળ એ જ જીવન છે. આ વાત આપણે ઘણા વર્ષોથી સાંભળી રહ્યા છીએ. ડોક્ટરો પણ લોકોને વધુ પાણી પીવાની સલાહ આપે છે. પરંતુ વિશ્વમાં પાણીની એવી ઘણી બ્રાન્ડ્સ છે જે ખૂબ મોંઘી છે. ચાલો તમને આ પાણીની બ્રાન્ડ વિશે જણાવીએ જેની કિંમત લાખોમાં છે. તમે કદાચ નહીં માનો, પરંતુ તે એકદમ સાચું છે. પાણીની એક બોટલની કિંમત વિશ્વની સૌથી મોંઘી છે તેની કિંમતે એક વૈભવી મર્સિડીઝ કાર ખરીદી શકાય છે.
વિશ્વમાં Acqua di Cristallo Tributo a Modiglianiએ સૌથી મોંઘી બોલટવાળું પાણી છે. આ પાણી ફિજી અને ફ્રાન્સના કુદરતી ઝરણામાંથી આવે છે. આ બોટલની પેકિંગની કિંમત જ ઘણી વધારે છે. તેનું પાણી પણ એક વિશિષ્ટ સ્વાદ ધરાવે છે. પરંતુ પાણીની કિંમત જાણીને તમને આશ્ચર્ય થશે.
750 મિલી પાણીની કિંમત 45 લાખ
વિશ્વના સૌથી મોંઘા પાણીની બોટલની કિંમત આશરે 45 લાખ રૂપિયા છે. આ બોટલમાં 1 લીટર પાણી પણ નથી હોતુ. તેમાં માત્ર 750 મિલી પાણી જ આવે છે. એક રિપોર્ટ મુજબ, એક્વા ડી ક્રિસ્ટેલો ટ્રિબ્યુટો એ મોડિગલિયાની પાણીની એક બોટલની કિંમત 45 લાખ રૂપિયાથી વધુ છે. આ પાણીની બોટલ 24 કેરેટ સોનાથી બનેલી હોય છે.
જાણો કેમ આટલી મોંઘી છે
પાણીની આ એક બોટલ માટે લાખો રૂપિયાનો ખર્ચ થવાના ઘણા કારણો છે. પાણી મોંઘુ થવાનું કારણ તેની બોટલ પણ છે. આ પાણીની બોટલ 24 કેરેટ નક્કર સોનાથી બનેલી હોય છે. વિશ્વની સૌથી મોંઘી પાણીની બોટલ વિશ્વના સૌથી પ્રખ્યાત બોટલ ડિઝાઇનર ફર્નાન્ડો અલ્ટામિરાનોએ તૈયાર કરી છે. દુનિયાની સૌથી મોંઘી બોટલ કોન્યેક ડુડોગન હેરિટેજ હેનરી IV ને ફર્નાન્ડોએ ડિઝાઇન કરી હતી. આ પાણીનો સ્વાદ પણ એકદમ અલગ છે. આ સિવાય તે સામાન્ય પાણી કરતા અનેક ગણુ વધારે ઉર્જાવાળું હોય છે.