Gujarat: બે લક્ઝરી બસ સામસામે અથડાઇ, 3 લોકોના મોત, અકસ્માતનો ભયાનક વીડિયો સામે આવ્યો
ગુજરાતના અરવલ્લીમાં એક ભયાનક માર્ગ અકસ્માતમાં ત્રણ લોકોના મોત થયા છે. મોડાસા-માલપુર હાઈવે પર બે લક્ઝરી બસ સામસામે અથડાઈ હતી. ટક્કર એટલી જોરદાર હતી કે ત્રણ લોકોના ઘટનાસ્થળે જ મોત થયા હતા. જ્યારે 30 લોકો ગંભીર રીતે ઘાયલ થયા હતા. આ દુર્ઘટના સ્થળ પાસે લગાવેલા સીસીટીવી કેમેરામાં કેદ થઈ ગઈ હતી.
ઘટનાસ્થળે લગાવેલા સીસીટીવી કેમેરામાં કેદ થયેલી બે લક્ઝરી બસ વચ્ચેની અથડામણના વીડિયોમાં સ્પષ્ટ જોઈ શકાય છે કે એક બસ ખૂબ જ તેજ ગતિએ આવી હતી અને સામેથી આવતી બીજી બસ સાથે અથડાઈ હતી. તેજ ગતિએ આવી રહેલી બસ પહેલાથી જ કાબુ બહાર હતી. આ પછી અરાજકતાનો માહોલ સર્જાયો હતો. આસપાસના લોકો મદદ માટે દોડી આવ્યા હતા અને ઘાયલોને બહાર કાઢવા લાગ્યા હતા.
— Hina Vaja (@HinaVaja191458) June 2, 2024
સાકરિયા બસ સ્ટેશન પાસે અકસ્માત સર્જાયો હતો
માલપુર તરફથી આવી રહેલી એસટી બસ અને મોડાસાથી માલપુર જતી લકઝરી બસ વચ્ચે અકસ્માત થયો હોવાનું કહેવાય છે. આ અકસ્માત સાકરિયા બસ સ્ટેશન પાસે થયો હતો. દુર્ઘટના બાદ લોકોએ પોલીસને જાણ કરી અને બચાવ કાર્ય પણ શરૂ કર્યું. સ્થાનિક લોકોએ ઘાયલોને બસમાંથી બહાર કાઢ્યા અને પછી હોસ્પિટલ લઈ ગયા. ઘટનાસ્થળે જ ત્રણ લોકોના મોત થયાની પણ માહિતી છે.