‘ધ કાશ્મીર ફાઇલ્સ’ને શાનદાર ઓપનિંગ મળી, પ્રથમ દિવસનું કલેક્શન આશ્ચર્યજનક, કમાણી કરી અધધધ…
અનુપમ ખેર સ્ટારર ફિલ્મ ધ કાશ્મીર ફાઇલ્સે 11 માર્ચે શાનદાર શરૂઆત કરી છે. કાશ્મીરી પંડિતો પર બનેલી દિલધડક ફિલ્મે પહેલા જ દિવસે બોક્સ ઓફિસ પર ઘણા લોકોના દિલ જીતી લીધા છે. ફિલ્મે શાનદાર ઓપનિંગ કરી છે. કાશ્મીર ફાઇલને વિવેચકો અને પ્રેક્ષકો તરફથી સકારાત્મક પ્રતિસાદ મળી રહ્યો છે. આવો જાણીએ ફિલ્મનું પ્રથમ દિવસનું કલેક્શન કેટલું છે.
ટ્રેડ એનાલિસ્ટ તરણ આદર્શે ધ કાશ્મીર ફાઇલ્સનું પ્રથમ દિવસનું બોક્સ ઓફિસ કલેક્શન શેર કર્યું છે. તે લખે છે- ‘#TheKashmirFiles એ પહેલા દિવસે એક મોટું સરપ્રાઈઝ આપ્યું…મર્યાદિત સ્ક્રીન હોવા છતાં દિવસના અંત સુધીમાં ફિલ્મ વધુ મજબૂત થઈ ગઈ…સાંજ અને રાત્રિના શો અસાધારણ હતા… બીજા દિવસે અને 3 જબરદસ્ત વધારો થશે, આ ખાતરી છે…શુક્રવારે 3.55 કરોડ #India.’
#TheKashmirFiles springs a BIGGG SURPRISE on Day 1… Despite limited showcasing [630+ screens], the film goes from strength to strength during the course of the day… Evening and night shows EXTRAORDINARY… SOLID GROWTH on Day 2 and 3 is a surety… Fri ₹ 3.55 cr. #India biz. pic.twitter.com/mGu4pxK7MW
— taran adarsh (@taran_adarsh) March 12, 2022
વિવેક અગ્નિહોત્રી દ્વારા નિર્દેશિત, કાશ્મીર ફાઇલ્સ 1990માં કાશ્મીરી પંડિતોના નરસંહાર પર આધારિત છે. આ ભારતના ઈતિહાસની સૌથી આઘાતજનક ઘટનાઓમાંથી એક છે, જે દાયકાઓ સુધી કાશ્મીરીઓ અને અન્ય ભારતીયોના મનમાં રહેશે. ફિલ્મના ટ્રેલરમાં દેખાતો આતંક, ગભરાટ, ડર દર્શકોને ખૂબ જ ઉત્તેજિત કરી રહ્યો હતો. હવે તેનું પરિણામ એ આવ્યું છે કે ફિલ્મ જોવા માટે લોકોની લાઈન લાગી છે.
561 સિનેમાઘરોમાં રિલીઝ
કાશ્મીર ફાઇલ્સ ભારતમાં 561 સિનેમાઘરો, 113 વિદેશી સ્ક્રીનમાં રિલીઝ કરવામાં આવી હતી. આ સંખ્યા અન્ય મોટા બજેટની ફિલ્મો કરતાં ઓછી છે. પરંતુ તેમ છતાં ફિલ્મની પ્રથમ દિવસની કમાણી આશ્ચર્યજનક છે. આ ફિલ્મમાં અનુપમ ખેર ઉપરાંત મિથુન ચક્રવર્તી, પલ્લવી જોશી, પ્રકાશ બેલાવાડી, દર્શન કુમાર, ભાષા સુમ્બલી, પુનીત ઈસર સહિતના અન્ય કલાકારો છે.
