જાણો કોણ છે બ્યૂટી પ્રોડક્ટ નાયિકા કંપનીના સ્થાપક, દેશના સૌથી અમીર મહિલાઓની યાદીમાં સામેલ આ બિઝનેસ વુમને પોતાની જાતે આટલી મોટી કંપની ઉભી કરી

ભારતની મહિલાઓ દેશના દરેક ક્ષેત્રમાં ઝંડો લહેરાવી રહી છે. હવે ભારતીય મહિલાઓનું નામ દેશ-વિદેશમાં પણ ગૂંજી રહ્યું છે. પછી તે ભારતની ખેલાડી હોય કે મહિલા ડોકટરો, એન્જીનીયર અને બિઝનેસ વુમન પોતપોતાના ક્ષેત્રમાં દેશને ગૌરવ અપાવી રહી છે. તેમાંથી એક મહિલાનું નામ આજકાલ ખૂબ જ ચર્ચામાં છે, તે છે ફાલ્ગુની નાયર. ફાલ્ગુની નાયર એક બિઝનેસ વુમન છે જેમની કંપની આ દિવસોમાં દેશની સૌથી મોટી કંપનીઓમાંથી એક બની ગઈ છે. ફાલ્ગુની નાયર દેશની સૌથી અમીર મહિલાઓમાં સામેલ થઈ ચૂક્યા છે. તેમની સફળતા પણ ખાસ છે કારણ કે ફાલ્ગુની શેલ્ફ મેડ મહિલા અબજોપતિ છે. ફાલ્ગુનીએ આ પદ કોઈ વારસામાં મળેલી કંપની કે માતા-પિતાના પૈસાના આધારે નથી બનાવ્યું, પરંતુ તેણે પોતાની સફળતાની ગાથા જાતે જ લખી છે. ફાલ્ગુની નાયરનું નામ આજે બધા જાણે છે. સામાન્ય મહિલાઓ ભલે તેમને ઘરે-ઘરે નહીં ઓળખતી હોય, પરંતુ તેઓ તેમની કંપની અને ઉત્પાદનોને જાણતી અને ઉપયોગમાં લેતી હશે. આવો જાણીએ કોણ છે ફાલ્ગુની નાયર? કેવી છે ફાલ્ગુનીના સંઘર્ષની કહાની?

કોણ છે ફાલ્ગુની નાયર
ફાલ્ગુની નાયર એક ભારતીય ઉદ્યોગપતિ છે અને બ્યુટી સ્ટાર્ટઅપ નાયકાના સ્થાપક છે. ફાલ્ગુની નાયરનો જન્મ 19 ફેબ્રુઆરી 1963ના રોજ મહારાષ્ટ્રના મુંબઈમાં થયો હતો. ફાલ્ગુની નાયરના પતિનું નામ સંજય નાયર છે. સંજય જીવનશૈલી રિટેલ કંપની Nykaa ના સ્થાપક અને CEO છે. ફાલ્ગુની નાયરની ઉંમર 58 વર્ષ છે.

ફાલ્ગુની નાયરનું શિક્ષણ અને પરિવાર
Nykaa ના સ્થાપક ફાલ્ગુની નાયરે ધ ન્યૂ એરા સ્કૂલમાંથી તેમનું પ્રારંભિક શિક્ષણ મેળવ્યા બાદ મુંબઈ યુનિવર્સિટી અને પછી IIM અમદાવાદમાંથી પૂર્ણ કર્યું. ફાલ્ગુનીએ B.Com અને મેનેજમેન્ટમાં પોસ્ટ ગ્રેજ્યુએટ ડિપ્લોમા કર્યું છે. તેમને બે બાળકો છે.

ફાલ્ગુનીની કારકિર્દી અને નોકરી
ફાલ્ગુની નાયરે એએફ ફર્ગ્યૂસન એન્ડ કંપનીથી તેમની કારકિર્દીની શરૂઆત કરી હતી. ત્યારબાદ તે લગભગ 18 વર્ષ સુધી કોટક મહિન્દ્રા બેંક સાથે જોડાયેલા હતા. તે સમયે ફાલ્ગુની કોટક મહિન્દ્રા ઈન્વેસ્ટમેન્ટ બેંકના મેનેજિંગ ડિરેક્ટરના પદ પર હતા. આ સિવાય તે કોટક સિક્યોરિટીઝમાં ડિરેક્ટર પણ રહી ચૂક્યા છે. જોકે, બાદમાં તેમણે કોટક મહિન્દ્રા છોડવાનો નિર્ણય કર્યો હતો.

નાયકાની શરૂઆત
અહીંથી ફાલ્ગુની નાયરના જીવનનો બીજો અધ્યાય શરૂ થયો. ફાલ્ગુનીએ વર્ષ 2012માં નાયકાની શરૂઆત કરી હતી. Nykaa બ્યૂટી અને પર્સનલ કેરથી સંકળાયેલ કંપની છે. જ્યારે તેમણે નાયકા લોન્ચ કરી, જે તે સમયે મહિલાઓ માટે બ્યૂટી કેરને લગતી પ્રોડક્ટની ખરીદી કરવા માટે કોઈ વિકલ્પ નહોતો.

ફાલ્ગુનીએ મહિલાઓની આ જરૂરિયાતને સમજી અને તેને ઓનલાઈન માર્કેટપ્લેસ તરીકે શરૂ કરી. તે પછી તેણે પોતાની બ્યુટી અને પર્સનલ કેર બ્રાન્ડ ઉભી કરી. તેમની પાસે 35 સ્ટોર છે. આટલું જ નહીં, તેમની નાયકા ફેશન્સમાં એપેરલ્સ, એસેસરીઝ, ફેશનને લગતી પ્રોડક્ટ્સ અને 4,000 થી વધુ બ્યુટી, પર્સનલ કેર અને ફેશન બ્રાન્ડ્સનો સમાવેશ થાય છે.

ફાલ્ગુની નાયરની સફળતા અને સિદ્ધિ
ફાલ્ગુની નાયકા ખાતે 1600 થી વધુ લોકોની ટીમનું નેતૃત્વ કરે છે. તાજેતરમાં, ફર્મના શેરમાં અદભૂત તેજી જોવા મળી હતી, જે પછી ફાલ્ગુની નાયરની નેટવર્થ 6.5 બિલિયન ડોલરને વટાવી ગઈ હતી. ફાલ્ગુની નાયર દેશની સૌથી ધનવાન સ્વ-નિર્મિત મહિલા બન્યા છે અને તેમની કંપની Nykaa સ્ટોક એક્સચેન્જમાં પ્રવેશ કરનારી ભારતની પ્રથમ મહિલા સંચાલિત કંપની બની ચૂકી છે.