સલામ ! બાળકથી દૂર રહીને 11 મહિનાની સખત તાલીમ બાદ આર્મી ઓફિસર બન્યા, શહીદ પતિનું સપનું સાકાર કર્યું
ભારતીય સેનાની એક મહિલા આર્મી ઓફિસરનો વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેમાં તે પોતાના જીવનના મુશ્કેલ સમયથી લઈને પોતાના લક્ષ્યને પ્રાપ્ત કરવા સુધીની સફર જણાવતી જોવા મળી રહી છે. તેમણે સેનામાં લેફ્ટનન્ટ બનવાનો શ્રેય તેમના દિવંગત પતિને આપ્યો છે. તેમના ચહેરા પરનું સ્મિત જણાવી રહ્યું છે કે તે આ સેનામાં જોડાઈને કેટલો ખુશ છે.
વાસ્તવમાં વીડિયોમાં જોઈ શકાય છે કે ભારતીય સેનાની મહિલા અધિકારી લેફ્ટનન્ટ રિગ્ઝિન શોરોલ પોતાના પુત્રને ખોળામાં લઈને જઈ રહી છે. તે ભારતીય સેનાના યુનિફોર્મમાં જોવા મળી રહી છે. તેમના પતિનું સપનુ શોરોલ આર્મીમાં જોડાવાનું હતું. 11 મહિનાની સખત તાલીમ પછી તે તેના દિવંગત પતિ રિગ્ઝિન ખાંડપનું સપનું પૂર્ણ કર્યા પછી ખૂબ જ ખુશ દેખાય છે.
#WATCH | Lt Rigzin Chorol commissioned as an officer in the Indian Army after passing out from Officers’ Training Academy. Hailing from Ladakh, she fulfilled the dream of her late husband, Rfn Rigzin Khandap (3 LADAKH SCOUTS)
Video source: Indian Army pic.twitter.com/74vJDxodNb
— ANI (@ANI) October 30, 2022
એક સમારોહ દરમિયાન લેફ્ટનન્ટ રિગ્ઝિન શોરોલે કહ્યું, “મેં મારા પતિનું સપનું પૂરું કર્યું છે. તે ઈચ્છતા હતાં કે હું આર્મી ઓફિસર બનું. આર્મીમાં મારી સફર ડિસેમ્બર 2021માં શરૂ થઈ હતી અને 11 મહિનાની સખત તાલીમ બાદ હું ઓફિસર બની હતી. તે દરમિયાન હું એકલી રહેતી હતી અને મારા બાળકો સાથે રહીને મારું લક્ષ્ય પૂરું કર્યું હતું. મને ખાતરી છે કે મારા પતિને મારા પર ગર્વ થશે.