એક જ ઘરની બે દીકરીઓ બની આઈએએસ અધિકારી, એક-બીજા માટે આધારસ્તંભ બનીને આમ કર્યું સપનું પૂરૂ
સંઘ લોક સેવા આયોગ (યુનિયન પબ્લિક સર્વિસ કમિશન) એટલે કે UPSC પરીક્ષા એટલી મુશ્કેલ છે કે એક જિલ્લામાંથી બે ઉમેદવારોનું UPSC ક્લિયર કરવું પણ ખૂબ મુશ્કેલ છે. આવી સ્થિતિમાં, જો એક જ ઘરની બે દીકરીઓ એક જ વર્ષમાં UPSCની પરીક્ષા એકસાથે પાસ કરે, તો તે ખરેખર વખાણવા લાયક છે. યુપીએસસી દ્વારા ગયા મહિને સિવિલ સર્વિસ પરીક્ષાઓના પરિણામો જાહેર કરવામાં આવ્યા હતા. આ વખતે UPSCમાં બિહારનો શુભમ કુમાર ટોપ પર હતો. જ્યારે દિલ્હીની અંકિતા જૈને ઓલ ઇન્ડિયા ત્રીજો રેન્ક પ્રાપ્ત કર્યો છે. # અધિકારી
અંકિતાની આ મોટી સફળતાથી ચોક્કસ તેનો પરિવાર ખૂબ જ ખુશ થશે પરંતુ તેની ખુશી માત્ર અંકિતા માટે જ નહીં પણ વૈશાલી જૈન માટે પણ છે, જેણે ઓલ ઇન્ડિયા 21મો રેન્ક મેળવ્યો છે. જણાવી દઈએ કે વૈશાલી અંકિતાની નાની બહેન છે અને બંને બહેનોની આ સફળતા બાદ બે દીકરીઓ એક જ ઘરમાં IAS અધિકારી બની છે. આ બંને બહેનોની ખાસ વાત એ છે કે બંનેએ એક જ નોંટ સાથે UPSC પરીક્ષાની તૈયારી કરી હતી. બંને બહેનોએ એકબીજાને પ્રેરણા આપી અને આગળ વધ્યા. બંનેના ક્રમમાં થોડો તફાવત હોય શકે છે, પરંતુ બંનેની મહેનત સરખી હતી.
અંકિતા જૈન અને વૈશાલી જૈનના પિતા સુશીલ જૈન ઉદ્યોગપતિ છે જ્યારે તેમની માતા અનિતા જૈન ગૃહિણી છે. બંને બહેનોની સફળતામાં તેમના માતા -પિતાએ મહત્વની ભૂમિકા ભજવી છે. 12મું પૂર્ણ કર્યા બાદ અંકિતા જૈને દિલ્હી ટેકનોલોજીકલ યુનિવર્સિટીમાંથી કોમ્પ્યુટર સાયન્સમાં બી.ટેકની ડિગ્રી મેળવી. બીટેક પૂરું કર્યા પછી, તેને એક ખાનગી કંપનીમાં નોકરી મળી, પરંતુ નોકરી પર ધ્યાન કેન્દ્રિત કરવાને બદલે, તેણે યુપીએસસી પરીક્ષાની તૈયારી કરવાનું યોગ્ય માન્યું અને દિલથી તેમાં સામેલ થઈ ગઈ.
અંકિતાએ 2017 માં UPSC પરીક્ષાની તૈયારી શરૂ કરી હતી. સખત સંઘર્ષ કરવા છતાં તેને પ્રથમ પ્રયાસમાં સફળતા ન મળી. આ પછી તેણે બીજા પ્રયાસમાં પરીક્ષા પાસ કરી. અંકિતાએ પરીક્ષા પાસ કરી હતી પરંતુ તે એટલો સારો રેન્ક મેળવી શકી ન હતી જેથી તેની પસંદગી IAS માટે થઈ શકે. આ દરમિયાન અંકિતાને DRDO માટે પણ નિમણૂક કરવામાં આવી હતી. UPSC ક્લિયર કર્યા પછી, તે એક વખત IA&AS બેચ માટે પણ સિલેક્ટ થઈ હતી પરંતુ અંકિતા માટે તે પૂરતું નહોતું. તેણે યુપીએસસી માટે ફરી પ્રયાસ કર્યો પરંતુ તે પ્રારંભિક પણ પાસ કરી શકી નહીં.
અંકિતાને સફળતા તો મળી હતી પરંતુ તે તેના IASના મુકામ સુધી પહોંચી શકતી ન હતી. UPSCમાં નિષ્ફળતાઓ હોવા છતાં તેણે હાર ન માની અને છેલ્લા પ્રયાસમાં પરીક્ષા પાસ કરીને IAS બનવાનું સપનું પૂરું કર્યું. જ્યારે અંકિતાની નાની બહેન વૈશાલી જૈન સંરક્ષણ મંત્રાલય હેઠળ IES અધિકારી રહી છે. બંને બહેનોએ એક જ નોટો સાથે મળીને UPSC તૈયાર કરી આ મોટી સફળતા બાદ બંને દેશની દીકરીઓ માટે પ્રેરણા બનીને સામે આવી છે.