આ છે ભારતની સૌથી ધનવાન મહિલાઓ, તેમની પાસે છે અઢળક સંપત્તિ

આજની સ્ત્રીઓ કોઈ પણ રીતે પુરુષોથી પાછળ નથી, આજના સમયમાં આપણે એવું ઘણી વખત જોયું છે. જે મહિલાઓને ક્યારેય નિર્ણય લેવાનો અધિકાર પણ નહોતો, તે આજે પોતાની સફળતાનો ડંકો વગાડી રહી છે. આ વાત ફરી એકવાર સાબિત કરી દીધી છે ફોર્બ્સ મેગેઝિનની યાદીએ. આ વખતે પણ અબજોપતિઓની યાદીમાં મોટી સંખ્યામાં મહિલાઓ જોવા મળી. સમગ્ર વિશ્વના ધનિકોની યાદી બહાર પાડવામાં આવી છે, જેમાં ભારતની 6 મહિલાઓએ પોતાનું સ્થાન બનાવ્યું છે. જાણો ભારતની સૌથી ધનિક બિઝનેસ મહિલા કોણ છે.

સાવિત્રી જિંદલ
આ યાદીમાં સાવિત્રી જિંદલ 7 મા સ્થાને છે. ઓપી જિંદલ ગ્રુપની ચેરપર્સન સાવિત્રી જિંદલ ભારતની સૌથી ધનિક મહિલા છે. તેમની સંપત્તિ ગયા વર્ષે 6.6 અબજ ડોલરથી 2021 માં વધીને 18 અબજ ડોલર (1.34 લાખ કરોડ રૂપિયા) થઈ ગઈ છે. બિઝનેસમેન હોવા ઉપરાંત સાવિત્રી જિંદલ ઓપી જિંદલ ગ્રુપના પ્રેસિડેન્ટ એમિરેટસ પણ છે અને સાથે સાથે તે મહારાજા અગ્રસેન મેડિકલ કોલેજ, અગ્રોહાના પ્રમુખ પદ પર પણ છે.

વિનોદ રાય ગુપ્તા
ભારતની સૌથી ધનિક મહિલાઓની યાદીમાં વિનોદ રાય ગુપ્તાનું બીજું નામ છે. વિનોદ રાય ગુપ્તાની સંપત્તિ 2021 માં 7.6 અબજ ડોલરની સંપત્તિ ધરાવે છે, જે ગયા વર્ષે 3.55 અબજ ડોલર હતી. ફોર્બ્સની યાદીમાં તે 24 મા ક્રમે છે.

લીના તિવારી
યુએસવી ઇન્ડિયાની લીના તિવારી યાદીમાં 43 મો સ્થાન પ્રાપ્ત કરવામાં સફળ રહી છે. લેખક, પ્રાણી પ્રેમી, નૃત્યકાર અને હોમ મેકર લીનાની કુલ સંપત્તિ 3 અબજ ડોલરથી વધીને 4.4 અરબ ડોલર થઈ ગઈ છે. લીના વ્યવસાયે ડોક્ટર છે અને તેમની કંપની USV લિમિટેડ એન્ટી ડાયાબિટીસ દવાઓ બનાવે છે.

દિવ્ય ગોકુલનાથ
બાયજૂસની લર્નિંગ એપનાં સહ-સ્થાપક દિવ્યા ગોકુલનાથ ફોર્બ્સની યાદીમાં 47 મા ક્રમે છે. તેની નેટવર્થ એક વર્ષ પહેલા 3.05 અરબ ડોલર હતી, અને હવે 2021 માં 4.05 અરબ ડોલર થઈ ગઈ છે. આ વર્ષે તેની સંપત્તિમાં લગભગ 1 અબજ ડોલરનો વધારો થયો છે. દિવ્યા ગોકુલનાથે એપ લોન્ચ કર્યાના થોડા વર્ષો બાદ જ આ પદ પ્રાપ્ત કર્યું હતું. દિવ્યા ગોકુલનાથે 21 વર્ષની ઉંમરે શિક્ષક તરીકે કારકિર્દીની શરૂઆત કરી હતી. તેમણે બેંગ્લોર સ્થિત ઓનલાઇન એજ્યુકેશનની દિગ્ગજ કંપની ‘બાયજૂ’ નું સામ્રાજ્ય બનાવ્યું. આજે તેનું મૂલ્ય 12 અબજ ડોલર છે.

કિરણ મઝૂમદાર શો
ભારતની સૌથી ધનિક મહિલાઓની યાદીમાં કિરણ મઝૂમદાર પાંચમા ક્રમે છે.તેની નેટવર્થ ગયા વર્ષે 4.6 અબજ ડોલરથી ઘટીને 3.9 અબજ ડોલર થઈ છે. શો એક ભારતીય ઉદ્યોગસાહસિક અને IIM- બેંગ્લોરના પ્રમુખ, બાયોટેકનોલોજી કંપની બાયોકોન લિમિટેડના ચેરમેન અને મેનેજિંગ ડિરેક્ટર છે. 2014 માં, તેમને વિજ્ઞાન અને રસાયણશાસ્ત્રની પ્રગતિમાં તેમના ઉત્કૃષ્ટ યોગદાન માટે ઓથમ ગોલ્ડ મેડલથી સન્માનિત કરવામાં આવ્યા હતા.

મલ્લિકા શ્રીનિવાસન
ઉદ્યોગ જગતની આયર્ન લેડી મલ્લિકા શ્રીનિવાસન ફોર્બ્સની યાદીમાં 73 મા ક્રમે છે. શ્રીનિવાસન મેસી ફર્ગ્યુસન ટ્રેક્ટર અને કૃષિ ઉપકરણ બનાવનારી કંપની ટેફે (TAFE)ની પ્રમુખ અને મુખ્ય કાર્યકારી અધિકારી છે. તે 27 વર્ષની ઉંમરે 1986માં TAFEમાં જોડાયા હતાં. પોતાની મહેનત, વિશ્વાસ અને સમર્પણથી મલ્લિકાએ TAFE ને એક એવી કંપની બનાવી જે ઉચ્ચ ટેકનોલોજી પર આધારિત હતી. ભારતીય અર્થતંત્રમાં તેમના યોગદાન માટે તેમને ઘણા પુરસ્કારો અને સન્માન આપવામાં આવ્યા છે.