ભાવુક થયા માતા – પિતા દીકરાની સિદ્ધિ જોય ને, હવે રમતા જોવા મળશે ટીમ ઈન્ડિયામાં
હૈદરાબાદના ડાબા હાથના બેટ્સમેન તિલક વર્માનો પ્રથમ વખત ભારતીય ક્રિકેટ ટીમમાં સમાવેશ કરવામાં આવ્યો છે. ભારતે વેસ્ટ ઈન્ડિઝ સામે પાંચ મેચની T20 શ્રેણી રમવાની છે. T20 શ્રેણી માટે 15 સભ્યોની ટીમની જાહેરાત કરવામાં આવી હતી. હૈદરાબાદના ડાબા હાથના બેટ્સમેન તિલક વર્માની પણ આ 15 સભ્યોની ટીમમાં પસંદગી કરવામાં આવી છે.
ટીમ ઈન્ડિયામાં પસંદગી બાદ ક્રિકેટર તિલક વર્માએ કહ્યું કે તેમને આશા નહોતી કે વેસ્ટ ઈન્ડિઝ પ્રવાસ માટે તેમની પસંદગી થશે. તિલક વર્માને તેમના બાળપણના એક મિત્ર દ્વારા પસંદગી વિશે જાણ થઈ.
જ્યારે માતા-પિતા ભાવુક થઈ ગયા હતા
તિલક વર્માએ વેસ્ટ ઈન્ડિઝ સામેની ટી20 શ્રેણી માટે ભારતીય ટીમમાં પસંદ થવા પર પોતાનો અનુભવ શેર કર્યો અને કહ્યું કે તેમના પરિવારના સભ્યો તેમની સફળતાથી ખૂબ ખુશ છે. પસંદગી બાદ જ્યારે તિલક વર્માએ તેના માતા-પિતા સાથે વીડિયો કોલ પર વાત કરી તો તે દરમિયાન તેના માતા-પિતા ભાવુક થઈ ગયા અને તેમની આંખોમાં આંસુ આવી ગયા. જોકે આ આંસુ આનંદના આંસુ હતા, પરંતુ તિલકના માતા-પિતાને આજે તેમના પુત્ર પર ગર્વ છે કે તેમના પુત્રની ભારતીય ક્રિકેટ ટીમમાં પસંદગી થઈ છે.
પોતાનો અનુભવ શેર કરતા તિલક વર્માએ કહ્યું કે ‘હું કહી શકતો નથી કે મારા પસંદગી પર મારા માતા-પિતા કેટલા ખુશ છે.’ તેણે એમ પણ કહ્યું કે રાતના 8 વાગ્યા હતા જ્યારે તેમને ખબર પડી કે તેમનું સિલેક્શન ટીમ ઈન્ડિયા માટે થયું છે.
IPLમાં શાનદાર પ્રદર્શન કર્યું
તિલક વર્મા હાલમાં દુલીપ ટ્રોફી 2023માં દક્ષિણ ઝોનનું પ્રતિનિધિત્વ કરી રહ્યો છે. વર્માએ બેંગ્લોરમાં નોર્થ ઝોન સામેની બીજી સેમીફાઈનલની પ્રથમ ઈનિંગમાં 46 રન બનાવ્યા હતા. જ્યારે વર્મા આ વર્ષે ઈન્ડિયન પ્રીમિયર લીગ 2023માં મુંબઈ ઈન્ડિયન્સ માટે બેટ વડે શ્રેષ્ઠ પ્રદર્શન કરનારાઓમાં સામેલ હતો. IPLમાં વર્માએ 11 મેચમાં 42.87ની એવરેજથી 343 રન બનાવ્યા હતા.
IPLમાં શાનદાર પ્રદર્શન માટે તિલક વર્માની દરેક જગ્યાએ ચર્ચા થઈ રહી છે. આવી સ્થિતિમાં હવે તેની પાસે વેસ્ટ ઈન્ડિઝ સામે મોટી ઈનિંગ રમીને પોતાનું સ્થાન નિશ્ચિત કરવાની તક છે.
નોંધ: આ વેબસાઈટ પર આપવામાં આવેલા તમામ સમાચાર અને વસ્તુઓ રિપોર્ટર દ્વારા જણાવવામાં આવે છે અથવા અન્ય સ્ત્રોતો ઉપરથી લેવામાં આવ્યા છે. અમારો પ્રયાસ તમને સતત શ્રેષ્ઠ માહિતી આપવાનો છે અને ભવિષ્યમાં પણ તેમ કરતા રહીશું. સમાચાર અને અન્ય બાબતોની જવાબદારી લેખક અને સ્ત્રોતની રહેશે. “News7 Gujarat” વેબસાઈટના પેજ માટે કોઈ જવાબદાર રહેશે નહીં. અમારા પેજ “News7 Gujarat” સારા સમાચારનો આનંદ માણતા અને શેર કરતા રહો!
