કરીના કપૂરે પરિવારમાં નવી ભાભી આલિયાનું આ રીતે કર્યું હતું સ્વાગત, જુઓ તસવીરો
સ્બોવાલિવૂડ એક્ટર રણબીર કપૂર અને એક્ટ્રેસ આલિયા ભટ્ટ 14 એપ્રિલના રોજ લગ્નના બંધનમાં બંધાયા હતા. બંનેએ પરિવાર અને ખાસ મિત્રો વચ્ચે સાત ફેરા લીધા. લગ્નમાં સુરક્ષા વ્યવસ્થા એટલી ચુસ્ત હતી કે લગ્ન થયા ત્યાં સુધી એક પણ તસવીર સામે આવી ન હતી. જો કે, મોડી સાંજે નવદંપતી મીડિયાને મળ્યા અને ઘણી બધી તસવીરો પડાવી. સૌથી પહેલા આલિયાએ તેના ઈન્સ્ટાગ્રામ પેજ પર તેના પતિ રણબીર સાથેની ઘણી તસવીરો શેર કરી હતી.
આ સાથે જ કરીના ઈન્સ્ટાગ્રામ પર પણ ઘણી એક્ટિવ દેખાતી હતી. તેણે લગ્નની ઘણી તસવીરો પણ શેર કરી છે. અભિનેત્રીએ તેના કાકી, કાકા, પુત્ર, કરણ જોહર અને પતિ સૈફ સાથે ફોટા શેર કર્યા છે. કરીનાએ કરિશ્મા, રિદ્ધિમા સાથેનો એક ફોટો પણ શેર કર્યો અને લખ્યું, “બહેનો વિના કંઈ નથી.” કરીનાએ રણધીર કપૂર અને રણબીરનો ફોટો પણ શેર કર્યો છે. જેમાં તેણે લખ્યું હતું કે, ‘પાપા અને ભાઈ. સાચો આનંદ.”
આલિયાનું પરિવારમાં સ્વાગતઃ
તે જ સાંજે, ઈન્સ્ટાગ્રામ પર આલિયા-રણબીરના લગ્નની તસવીર શેર કરતી વખતે કરીનાએ લખ્યું, “દિલ પ્રેમથી ભરેલું છે, પ્રિય આલિયા પરિવારમાં આપનું સ્વાગત છે.” તસવીરમાં આલિયા-રણબીર ઉભા છે અને તેમની પાછળ સૂર્યપ્રકાશ બંને પર પડી રહ્યો છે.
View this post on Instagram
કરિશ્માએ પણ કર્યું સ્વાગતઃ કરીના સિવાય કરિશ્મા કપૂરે પણ આલિયાનું સ્વાગત કર્યું છે. આલિયા અને રણબીર સાથેનો એક ફોટો શેર કરતા અભિનેત્રીએ લખ્યું કે, “આ સુંદર દંપતીને અભિનંદન, તમારા બંનેના જીવનમાં ખુશીઓ અને વધુ ખુશીઓ.” બીજી તસવીર શેર કરતા કરિશ્માએ લખ્યું, “બંને માટે ખૂબ પ્રેમ અને આલિયાના પરિવારમાં આપનું સ્વાગત છે.”
View this post on Instagram
લગ્નમાં રણબીરની માતા નીતુ ખૂબ જ ખુશ દેખાતી હતી. તેણે પોતાના ઈન્સ્ટાગ્રામ પર લગ્નની ઘણી તસવીરો પણ શેર કરી છે. આલિયા-રણબીરની તસવીરો પર તેણે લખ્યું, મારી દુનિયા. આ સાથે નીતુએ ઈન્સ્ટાગ્રામ સ્ટોરી પર ઘણી બધી તસવીરો પણ શેર કરી છે.
View this post on Instagram
તમને જણાવી દઈએ કે આલિયા-રણબીરના લગ્નની ચાહકો ઘણા સમયથી રાહ જોઈ રહ્યા હતા. બંનેના લગ્નમાં પ્રાઈવસીનું ધ્યાન રાખવામાં આવ્યું છે. કહેવામાં આવી રહ્યું છે કે લગ્ન બાદ બંને આશીર્વાદ લેવા માટે સિદ્ધિવિનાયક મંદિર જશે.