વિશ્વના સૌથી ગરમ રણમાં પડ્યો બરફ, જુઓ કે કેવી રીતે સફેદ ચાદરથી ઢંકાયું રણ
આ સમયે દેશના અનેક વિસ્તારો કડકડતી ઠંડીના કારણે થરથરી રહ્યા છે. આ ફક્ત આપણા દેશમાં જ નથી, પરંતુ ત્યાં પણ કડકડતી ઠંડી પડે છે, જે વિશ્વનું સૌથી ગરમ સ્થળ છે. આ સમયે ઉત્તર આફ્રિકાના અલ્જેરિયાના ઉત્તર-પશ્ચિમ વિસ્તારમાં સહારા રણમાં આશ્ચર્યજનક સ્થિતિમાં હિમવર્ષા થઈ રહી છે. જેના કારણે સમગ્ર રણ બરફથી ઢંકાય ગયું છે. અહીં તાપમાન માઈનસ બે ડિગ્રી સુધી પહોચી ગયું છે.
બાવ મીડિયાના ફોટોગ્રાફર કરીમ બૌચેતાએ ત્યાંની કેટલીક તસવીરો પોતાના કેમેરામાં કેદ કરી છે. અલ્જેરિયાના આઈન સેફ્રા શહેરમાં બરફથી ઢંકાયેલ રેતીના ટેકરાઓની કેટલીક સન્ની છબીઓ આકર્ષક લાગે છે. આ તસવીરો જોઈને કોઈપણ વ્યક્તિ મંત્રમુગ્ધ થઈ શકે છે.
તસવીરોમાં સ્પષ્ટપણે જોઈ શકાય છે કે બરફના આવરણથી ઢંકાયેલી રેતી અલગ-અલગ પેટર્નનો લુક આપી રહી છે. તેમને જોઈને એવું લાગે છે કે તે રેતીની નહીં પણ ઊની ચાદર છે. આઈન સેફ્રા શહેર, જે રણના પ્રવેશદ્વાર તરીકે ઓળખાય છે, તે સમુદ્ર સપાટીથી લગભગ 1,000 મીટરની ઉંચાઈ પર છે અને એટલસ પર્વતોથી ઘેરાયેલું છે.
સહારા આફ્રિકા ખંડ પર આવેલું રણ છે. 9,200,000 ચોરસ કિલોમીટરના ક્ષેત્રફળ સાથે, તે વિશ્વનું સૌથી મોટું ગરમ રણ છે અને એકંદરે ત્રીજું સૌથી મોટું રણ છે. આનાથી મોટા માત્ર એન્ટાર્કટિકા અને ઉત્તરીય આર્કટિકના રણ છે. આમ તો સહારા રણ અગિયાર દેશોમાં ફેલાયેલું છે. તેની મર્યાદા ઘણી લાંબી છે. અહીં તે વિશ્વનું સૌથી ગરમ સ્થળ છે અને તાપમાન 58 થી 60 ડિગ્રી સુધી પહોંચે છે. જેના કારણે અહીં રહેવું ખૂબ મુશ્કેલ હોય છે.
View this post on Instagram
રણનું સુંદર દૃશ્ય
આ રણમાં આ વખતે થઈ રહેલી હિમવર્ષા અને પડી રહેલી કડકડતી ઠંડીની તસવીરો આખી દુનિયામાં ઉત્સુકતાથી જોવામાં આવી રહી છે. તસવીર સાથે એક વીડિયો પણ વાયરલ થયો છે, જેને લોકો ખૂબ પસંદ કરી રહ્યા છે.