રિતિકા મુસીબતો સામે પણ અટકી નહીં, મહેનત અને હિંમતથી બની IAS અધિકારી
દરેક વ્યક્તિ સફળતાની સીડી ચઢવા માંગે છે. જોકે આ રેસમાં દરેક જણ જીતી શકતું નથી, પરંતુ કેટલાક આગળ નીકળી જાય છે અને તો અમુકને નિષ્ફળતા હાથમાં લાગે છે. પરંતુ આ બધામાં એ કહેવું ખોટું હશે કે સફળ થવું ખૂબ જ સરળ છે, જો આવું હોત તો આજે દરેકના સપના પૂરા થઈ ગયા હોત. આવી જ એક કહાની છે પંજાબની રિતિકા જિંદલની, જેમણે નસીબથી નહીં પણ હિંમતથી સપના ઉડાવ્યા હતા.
22 વર્ષની ઉંમરે UPSC પરીક્ષા પાસ કરીને IAS બનેલી રિતિકા માટે આ રસ્તો સરળ ન હતો. જ્યારે તે મનથી UPSC ની તૈયારી કરી રહી હતી, ત્યારે જ ખબર પડી કે તેના પિતા કેન્સર સામે લડી રહ્યા છે. પરંતુ તેમણે તેના પિતાના સપનાને સાકાર કરવાની હિંમત બતાવી અને 88મો રેન્ક મેળવીને IAS લાયક બન્યા.
રિતિકા કહે છે કે પંજાબના બાળકો લાલા લજપત રાય અને ભગત સિંહની કહાનીઓ સાંભળીને મોટા થાય છે. તે પણ આ કહાનીઓ સાંભળીને મોટી થઈ છે અને તે ઉંમરથી જ દેશ અને દેશના લોકો માટે કંઈક કરવાની ઈચ્છા હતી. તે કહે છે કે જીવનમાં જ્યારે પણ પડકારો આવે છે, તો તેનાથી ડરશો નહીં, હિંમત રાખીને આગળ વધો. આપણું શું થશે તે આપણા હાથમાં નથી પરંતુ પડકારોનો સામનો કેવી રીતે કરવો તે આપણા હાથમાં છે.
રિતિકાએ 10મા અને 12મામાં સારા ગુણ મેળવ્યા હતા. સ્કૂલમાં ટોપ કર્યા બાદ તેમણે દિલ્હીની શ્રી રામ કોલેજ ઓફ કોમર્સમાં એડમિશન લીધું. અહીં તેમણે ગ્રેજ્યુએશનમાં ટોપ કર્યું. ગ્રેજ્યુએશન થયા પછી, તેણે UPSC ની તૈયારી માટે પૂરો સમય ફાળવ્યો. તે પહેલા જ પ્રયાસમાં આસાનીથી ઈન્ટરવ્યુમાં પહોંચી પરંતુ તે ક્લીયર ન થઈ શકી. પછી તેણે પોતાની ખામીઓ દૂર કરી અને 88મો રેન્ક મેળવીને સફળતા હાંસલ કરી.
